Farmatsııa komıteti eks-basshysynyń úıqamaq merzimi uzatyldy
ASTANA. QazAqparat - QR Densaýlyq saqtaý mınıstrligine qarasty farmatsııa komıtetiniń tóraǵasynyń mindetin atqarýshy Larısa Paktyń úıqamaqtaǵy merzimi bir aıǵa uzartyldy, dep habarlaıdy «QazAqparat» HAA tilshisi.
«Astanadaǵy №2 Almaty aýdandyq soty kúdikti Larısa Paktyń úıqamaqta otyrý merzimin 2018 jyldyń 3 aqpanyna deıin uzartty», dep jazylǵan sottyń baspasóz qyzmeti taratqan habarlamada.
Eske salaıyq, Larısa Pak jáne onyń janyndaǵy tulǵalarǵa zańsyz sertıfıkat taratty, 10 - 12 myń dollar aralyǵynda para aldy degen kúdikpen qylmystyq is qozǵalǵan bolatyn.
Ótken jyldyń 30 qarashasynda L.Pakqa qatysty qamaýǵa alý týraly shara úıqamaqqa aýystyrylyp, keıin onyń merzimi 4 qańtarǵa deıin uzartylǵan.
