Farmatsevtıkalyq óndiris Densaýlyq saqtaý mınıstrliginiń qaramaǵyna qashan ótedi

NUR-SULTAN. QazAqparat – Farmatsevtıkalyq óndiristi Densaýlyq saqtaý mınıstrligine berý jumysy bastaldy. Bul týraly QR Densaýlyq saqtaý birinshi vıtse-mınıstri Marat Shoranov elimizde vaktsınanyń qalǵan qansha dozasy bar ekenin aıtty, dep habarlaıdy QazAqparat tilshisi.

«QR Indýstrııa jáne ınfraqurylymdyq damý mınıstrliginiń farmatsevtıkalyq óndiris fýnktsııasyn Densaýlyq saqtaý mınıstrligine berý jumysy bastalyp ketti. Jumys búginde júrgizilip jatyr. Atalǵan fýnktsııany ózimizge alǵan kezde tıisti sheshim qabyldanatyn bolady. Búgin Bilim jáne ǵylym mınıstrliginde áriptesterimiz ǵylymmen jáne vaktsınany ázirleýmen aınalysatynyna qatysty túsinikteme berdi. Vaktsınanyń búginde belgili bolyp otyrǵan kólemin birlesip ázirledik. ıAǵnı, eki memlekettik organ tikeleı ázirleýshi ınstıtýtpen barlyq máselelerdi pysyqtady. Bul máselege qatysty ár memlekettik organnyń naqty qyzmeti bar», - dedi Marat Shoranov Ortalyq kommýnıkatsııalar qyzmetindegi baspasóz máslıhaty barysynda.

Sonymen qatar ol koronavırýsqa qarsy qazaqstandyq vatsınany jappaı óndirýmen nelikten Densaýlyq saqtaý mınıstrligi emes Bilim jáne ǵylym mınıstrligi aınalysatyndyǵyn túsindirgen edi.