Farmatsepter dári-dármekter boıynsha birinshi ret biryńǵaı operator júıesimen ótkiziletin tenderge alańdaýshylyq bildirýde
ALMATY. Jeltoqsannyń 7-si. QazAqparat /Názıra Eleýhan/ - Qazaqstanda qant dıabetimen aýyratyn adamdardyń densaýlyǵy men ómiri qaýip aldynda tur. Bul týraly búgin baspasóz máslıhatynda QR Dıabettik qaýymdastyqtyń prezıdenti Natalıa Týkalevskaıa málimdedi,
dep habarlaıdy QazAqparat.
«Qant dıabetimen aýyratyn adamdarǵa turaqty jáne sapaly dárilik em qajet. Bıylǵy jyldyń 10-shy jeltoqsanynda, 2010 jylǵy satyp alynatyn dári-dármekter men arnaıy preparattardy satyp alýǵa baılanysty birinshi ret birińǵaı operator júıesi boıynsha ótkiziletin tenderge alańdaýshylyq bildirýdemiz. Óıtkeni, bizge belgili bolǵandaı, satyp alý kezinde tehnıkalyq talaptar qaralmaıdy eken. ıAǵnı, tek negizgi parametrler jazylǵan. Bul jóninde «SK-Farmatsııa» ókilderi de bıylǵy jyldyń qarasha aıynyń 30-y kúni ótken jıyn barysynda da maquldady», deıdi QR Dıabettik qaýymdastyqtyń prezıdenti.
Onyń aıtýynsha, eki esege tómen baǵada satyp alyný josparlanǵan dárilik preparattardyń sapaly bolýy múmkin emes. «Tolyqqandy zertteýden ótpegen preparattar birer jyldan keıin teris áser berýi múmkin. Sonymen qatar, qaýipsiz ekendigine kim kepil bere alady. Satyp alý kezinde, qant dıabetimen aýyratyn adamdarǵa qajetti dárilik preparattardyń tehnıkalyq jaǵy qaralýy tıis. Sebebi olarǵa uzyndyǵy men dıametri mynandaı dep jazylǵan jaı egý ınesi qajet emes, arnaıy ınsýlındik shprıts qajet. Olar kúnine 5 ret egiledi. Sondaı-aq satyp alý barysynda qant mólsherin ólsheıtin glıýkometr de durys kórsetindeı bolýy kerek. Osy ólsheýish arqyly ınsýlın quıylatyndyqtan, artyq alynǵan ınsýlın adamnyń ómirine qaýip keltirýi múmkin. Sondyqtan sapaly preparattardy satyp alý qajet, bul bizge de, ókimetke de tıimdi», dedi N. Týkalevskaıa.
Almaty qalasy Densaýlyq basqarmasynyń dári-dármekpen qamtamasyz etý bóliminiń bastyǵy Larısa Kýznetsovanyń aıtýynsha, Almaty qalasy boıynsha qant dıabetimen aýyratyn adamdarǵa jylyna 270 mıllıon teńgege dárilik preparattar alynady.
Resmı derekter boıynsha, bıylǵy jyly elimizde qant dıabetimen aýyratyn 170 796 adam tirkelgen. Qant dıabeti 2008 jylǵy málimetter boıynsha balalar men jasóspirimder arasynda 22 paıyzǵa, úlkenderdiń arasynda 12 paıyzǵa ósken.
