«FARK» lańkesteri frantsýz jýrnalısin bosatty
ASTANA. 1 maýsym. QazAqparat - Kolýmbııanyń «FARK» uıymy bir aı boıy tutqynda ustaǵan frantsýz jýrnalısi Romeo Langlýany bosatty. Dárigerler onyń densaýlyq jaǵdaıy jaqsy, dep otyr.
Bul týraly Qazaqstan ulttyq arnasy habarlaıdy.
«Frans 24» telearnasynda jumys isteıtin ol bıyl sáýirdiń 28-de kolýmbııalyq qaýipsizdik kúshteriniń esirtki óndirýshilerimen kúresi týraly fılm túsirip júrgende, tutqynǵa alynǵan edi.
Jyl basynda «FARK» músheleri budan bylaı azamattyq tulǵalardy tutqynǵa almaýǵa ýáde bergen-di. Al, Langlýany ústinde kamýflıaj bolǵandyqtan, áskerı tutqyn retinde ustaǵandaryn aıtady.
