Farızadaı tulǵa ǵasyrda bir-aq ret týady - N.Aıtuly
Onyń aıtýynsha, halyqty yntymaq-birlikke bastar, qoǵamǵa oı salar jalyndy sózderimen elimizdiń damýyna atsalysqan aqyn kózi tiri bolǵanda áli de bolsa elimizdiń ıgiligine qyzmetin atqarara berer edi, budan da úlken murasyn qaldyryp keter edi. «Sebebi ol qaıraty sarqylmaıtyn, qajymas jan edi», - dep eske alady aqyn. «Búgin barsha qazaǵymyz, ulttyq ádebıetimiz taǵy da bir ardaǵynan aıyryldy. Qazaqtyń Farızasy, ádebıettiń Farızasy, qazaq poezııasynyń juldyzy Farıza Ońǵarsynova dúnıeden ozdy. Farızadaı tulǵa ǵasyrda bir-aq ret týady. Ultynyń úlken qaıratkeri. Farızanyń halqyna beretini, halyqqa jasaıtyn qyzmeti áli de mol edi», - deıdi ol. N.Aıtulynyń sózine qaraǵanda, Farıza Ońǵarsynovany 27 kúni, dúısenbide jurtshylyq sońǵy saparǵa shyǵaryp salady. Aıta keteıik, 23 qańtarda Qazaqstannyń Memlekettik syılyǵynyń laýreaty, Halyq jazýshysy, qoǵam qaıratkeri, kórnekti aqyn Farıza Ońǵarsynova 75-ke qaraǵan shaǵynda dúnıe saldy.