Fantastıkalyq shyǵarmalardyń baıqaýy bastaldy
ASTANA. 1 naýryz. QazAqparat /Aınur Kenebaeva/ - Búgin QR Táýelsizdiginiń 20-jyldyǵyna jáne adamnyń ǵaryshqa sapar shegýiniń 50-jyldyǵyna arnalǵan «Baıqońyr -2011» respýblıkalyq ǵylymı-fantastıkalyq ádebı shyǵarmalar baıqaýy bastaldy.
Baıqaý Qazaqstan jáne Ǵarysh taqyrybyn arqaý etpek.
«Baıqońyr -2011» baıqaýynyń uıymdastyrýshylary - «Bolashaq» qaýymdasty, «KAZNET Medııa» JShS jáne «proza.kz» ádebı saıty.
Baıqaý 15-18 jas aralyǵyndaǵy oqýshylar men stýdentter arasynda bir aı kóleminde ótedi.
www.baikonur.proza.kz saıty atalmysh baıqaýdyń resmı aqparattyq saıty bolyp tabylady. Qatysýshy tulǵalar baıqaýǵa qatysty tolyqqandy aqparatty osy saıttan ala alady jáne óz jumystaryn ornalastyryp, ózge úmitkerlerdiń shyǵarmashylyq jumystarymen tanysý múmkindigine ıe bolady. Sonymen qatar fantastıkalyq janrǵa qyzyǵýshylyq tanytqan kez kelgen adam saıtqa kirip, óz daýsyn qalaǵan týyndyǵa berip, jeke pikirin qaldyra alady.
Baıqaýǵa kelip túsken týyndylar belgili jazýshylar men redaktorlardyń qaraýyna jiberiledi. Jeńimpazdar saıttaǵy daýys berý qorytyndysy men qazylar alqasynyń sheshimi nátıjesinde anyqtalady.
«Respýblıkalyq baıqaýdyń jeńimpazdary tuńǵysh qazaqstandyq fantastıkalyq áńgimeler jınaǵyna enbek. Bul arqyly biz jas jazýshylar talabynyń shyńdalýyna qoldaý jasap, tegin túrde óz týyndylaryn jaryqqa shyǵarý múmkindigin beremiz», - dedi «Bolashaq» qaýymdastyǵynyń jobalyq menedjeri Aıan Áljanov.
Baıqaý Qazaqstannyń qalamy qarymdy, qııaly ushqyr jas jazýshylarynyń jańa býynyn qalyptastyryp, tyń janrdyń damýyna septigin tıgizbek.
