Fantastıka dinı ýaǵyzdy almastyra alady
ASTANA. 29 mamyr. QazAqparat - Qııal-ǵajaıyp oqıǵalarǵa qurylǵan jáne vampırler týraly fılmder jasóspirimderdiń dinı nanym-senimin qalyptastyra alady.
Kopengagen ýnıversıtetiniń ǵalymdary osyndaı kútpegen jańalyq ashty. Bul týraly Alash aınasy gazeti jazdy.
Zertteýshi Laın Nıbro Petersenniń Discovery News portaly keltirgen sózderine qaraǵanda, jastar mundaı fılmderdi ózderiniń ómirlik suraqtaryna jaýap tabý úshin qaraıdy. Ǵalymnyń jeke zertteýi boıynsha, áıgili «Ymyrt», «Elestermen sóılesýshi» sııaqty serıaldar dinnen beıhabar jas urpaqtyń fılosofııalyq sanasynyń qalyptasýyna yqpal etken. Vampırler, ómir men ólim, ekinshi ómir, meıirim men qatygezdik qatynastary týraly kórkemdik sheshimder jetkinshekterdiń etıkalyq kózqarastarynyń jetilýine de septigin tıgizedi eken. Petersenniń aıtýynsha, sol sebepti búgingi jastardy ımandylyqqa baýlý úshin qurǵaq úgit-ýaǵyz aıtý - qatelik.
