Family Park aýmaǵynda turǵyn úı kesheni salynbaıdy — Almaty ákimdigi
ALMATY. KAZINFORM — Almaty ákimdigi Family Park aýmaǵynda turǵyn úı kesheni nemese ózge de qurylys nysandary salynady degen aqparatty joqqa shyǵardy.
Ákimdiktiń málimetinshe, buqaralyq aqparat quraldary men áleýmettik jelilerde taraǵan bul aqparat shyndyqqa janaspaıdy. Qoldanystaǵy Almatynyń bas jospary men egjeı-tegjeıli josparlaý jobasyna sáıkes, Family Park aýmaǵy qoǵamdyq rekreatsııalyq keńistik, ıaǵnı saıabaq aımaǵy bolyp qala beredi. Onyń nysanaly jáne fýnktsıonaldyq maqsatyn ózgertý josparlanbaǵan.
— Qazirgi ýaqytta tek aýmaqty tikeleı memlekettik basqarýǵa qaıtaryp, ony keshendi túrde qaıta jańǵyrtý, kóriktendirý jáne jańǵyrtý máselesi qarastyrylyp jatyr, - delingen habarlamada.
Ákimdik uzaq jyldar boıy nysandy paıdalanǵan jalǵa alýshy saıabaqty kútip-ustaý jáne damytý boıynsha óz mindettemelerin tıisti deńgeıde oryndamaǵanyn, ınfraqurylymyna ınvestıtsııa salmaǵanyn málimdedi. Sonyń saldarynan saıabaqtyń ınfraqurylymy edáýir tozyp, jaǵdaıy nasharlaǵan.
Osyǵan baılanysty saıabaqtyń ınjenerlik jáne demalys ınfraqurylymyn jańartý, turǵyndar úshin qaýipsiz, jaıly ári qoljetimdi orta qalyptastyrý kózdelip otyr. Sondaı-aq múmkindigi shekteýli azamattarǵa arnalǵan kedergisiz orta jasaý josparlanǵan.
Ákimdiktiń habarlaýynsha, bastamanyń negizgi maqsaty – Family Park-ti qoǵamdyq demalys orny retinde saqtap, ony zamanaýı talaptarǵa saı jańǵyrtý. Sonyń nátıjesinde almatylyqtar men qala qonaqtaryna arnalǵan qaýipsiz ári jaıly saıabaq qalyptastyrý josparlanyp otyr.
Eske salaıyq, buǵan deıin Almaty ákimdigi 40 qabatty RAMS Beyond kesheniniń qurylysyna qatysty jańa derekterdi bólisken edi.
