«FalconEuroBus» kompanııasynyń ókili elektrobýstyń nege keptelip qalǵanyn túsindirdi
ALMATY. QazAqparat - «FalconEuroBus» kompanııasynyń ókili elektrobýstyń nege keptelip qalǵanyn túsindirdi.
Oqıǵa keshe Jandosov kóshesinde bolǵan edi.
Testilik rejimnen ótip jatqan jańa nemis elektrobýsy kelgen baǵytyna qaraı burylam degende burylysqa sımaı 15 mınýtqa keptelip qalǵan.
Kompanııa ókiliniń aıtýynsha, bul oqıǵanyń kóliktiń sapasyna eshqandaı qatysy joq. Jol oqıǵasy júrgizýshiniń kesirinen bolǵan.
«Júrgizýshi óziniń qandaı uzyn avtobýsty júrgizip kele jatqanyn umytyp qalǵan. Sondaı-aq, ol 7 mınýt boıy kóliktiń otalǵan-otalmaǵanyn anyqtaı almaı otyrǵan. Borttaǵy kompıýter nemis tilinde bolǵandyqtan, «buryla almaısyz» degen sıgnaldy júrgizýshi túsinbegen. Germanııadan kelgen kompanııa ókili de júrgizýshiniń kinásin aıtyp otyr. Joldyń eni 10 metr bolsa, avtobýstyń uzyndyǵy 18 metr. Adam 50 jyl boıy basqa avtobýstardy júrgizip kelgen. Júrgizýshilerdiń mádenıeti týraly da aıtyp ótý kerek. Avtobýsqa 3 mınýt berse, sol jerden shyǵyp ketetin edi», - dedi «FalconEuroBus» kompanııasynyń dırektorlar keńesiniń tóraǵasy Murat Ádilhanov.
Onyń aıtýynsha, búgin avtobýs testileýden jaqsy ótip jatyr. Batareıa qýaty 400 shaqyrymǵa jetedi.
«Bul testilik avtobýs. Sondyqtan, ony Germanııadan baqylap otyr. Baǵdarlamasyn ózgerte almaımyz. Keıin ózimizde óndiris ashqan kezde esikterindegi jazýlar da barlyq aqparat ta, habarlamalar da qazaq jáne orys tilderinde bolady», - dedi ol.
Jańa avtobýstar týrısterdi tasymaldaý joldaryna qoıylady.
Aıta ketý kerek, Almatyda jyl sońyna deıin «Eurobus» elektrobýstaryn quraıtyn zaýyt salynatynyn osynyń aldynda habarlaǵan bolatynbyz.
Almaty ákimdigi jańa zaýyt úshin Tóle bı-ıAssaýı mańynan jer telimin bergen bolatyn.
Atalǵan zaýytta alǵashqy jyly 20 avtobýs qurastyryp shyǵý josparda bar.
«Zaýyt joba boıynsha korpýsty-montajdy jáne ol 45 mınýt ishinde salynady. 20 avtobýstyń ishki materıaldaryna tapsyrys berildi. 75% Germanııadan aldyrylsa, qalǵany 25%- qazaqstandyq óndirýshilerdiki», - degen bolatyn kompanııa dırektory.
Atalǵan avtobýstar Almaty kóshelerine qanshalyqty laıyqty ekendigin bilý úshin kompanııa Germanııadan quny 500 myń eýro bolatyn avtobýs aldyrǵan.
@ztb_kz Elektrobýs, kotoryı nedavno prezentovalı v Almaty, ne pomestılsıa na ýlıtse Jandosova ı sozdal probký. Ý avtobýsa byla testovaıa poezdka. #Kazahstan #Almaty #Astana #Karaganda #Shymkent #Týrkestan #Jetysaı #Saryagash #Aktobe #Atyraý #Pavlodar #Taraz #Kyzylorda #Semeı #Kokshetaý #Temırtaý #Jezkazgan #Balhash #Taldykorgan #Kostanaı #Oral #Petropavl #Oskemen #Aktaý #🇰🇿 #kris_p_almaty
