Falcon 9 zymyranyn ushyrý sońǵy sátte toqtatyldy
ASTANA. QazAqparat - Amerıkanyń SpaceX kompanııasy Kanaveral múıisindegi ǵarysh aılaǵynan Falcon 9 zymyranyn ushyrýdy sońǵy sátte keıinge qaldyrdy, dep habarlaıdy Bı-Bı-Sı agenttigi.
Kompanııa ókiliniń habarlaýynsha, ushyrylymǵa ázirlik barysynda zymyrannyń júıesinen aqaý tabyldy. Onyń týyndaý sebebi ázirge naqty anyqtalmaǵan, alaıda kompanııa ókilderi kemshilik otalý júıesinde paıda boldy dep otyr.
Zymyran aqaýdy joıǵannan keıin ushyrylady dep josparlanýda. Onyń naqty merzimi ázirge aıtylmady.
SES-9 baılanys serigin orbıtaǵa shyǵarýy tıis zymyrandy ushyrý osymen úshinshi ret keıinge qaldyrylýda.
Eske sala ketsek, Space Exploration Technologies (SpaceX) kompanııasy kalıfornııalyq kásipker Ilon Maskqa tıesili. Onyń Falcon 9 zymyrany kóp ret ǵaryshqa jiberiledi jobalanǵan.
