Faktorlyq-balldyq júıe arqyly kadrlar turaqtaı bastady - agenttik

NUR-SULTAN. QazAqparat - Memlekettik qyzmet isteri agenttiginiń tóraǵasy Anar Jaıylǵanova faktorlyq-balldyq júıeniń qanshalyqty tıimdi ekenin aıtyp berdi, dep habarlaıdy QazAqparat.

«Faktorlyq-balldyq shkala júıesi memlekettik qyzmetshilerdiń yntalandyrady jáne ózge jastardyń qyzyǵýshylyǵyn oıatady. Ázirge bul júıe bizdiń agenttikte, Ádilet mınıstrliginde, Mańǵystaý oblysynyń jáne Nur-Sultan, Almaty, Shymkent qalalarynyń ákimdikterinde pılottyq rejımde jumys isteıdi. Shyn máninde bul - óte tıimdi mehanızm jáne biz ony qoldaımyz», - dedi agenttik basshysy Úkimet úıinde ótken baspasóz máslıhatynda.

Sonymen birge, ol faktorlyq-balldyq júıe arqyly kadrlardyń turaqtamaýy máselesi sheshilgenin atap ótti.

«Paıyzdyq úleste aıtar boslam, Ádilet mınıstrliginde kadrlardyń turaqtamaýy 4,6% bolatyn. Faktorlyq-balldyq júıeden keıin bul kórsetkish 0,6% deıin tómendedi. ıAǵnı, bul júıeniń tıimdi ekenin aıǵaqtap otyr. Elbasy atap ótkendeı, faktorlyq-balldyq shkala qarjylandyrýdyń ishki kózderi arqyly jumys isteıdi», - dedi Anar Jaıylǵanova.