Facebookke taǵy bir qosymsha qosylady
ASTANA. QazAqparat - Facebook áleýmettik jelisi Moments qosymshasyn daıarlaýda. Bul posttardy dostar arasyndaǵy túrli toptarǵa jarııalaýdy jeńildetedi. Bul týraly sheteldik BAQ habarlady.
Bul qosymshanyń paıda bolýyna paıdalanýshylardyń kópshiligi Facebook-ti durys paıdalana almaýy sebep bolǵan. Máselen, keı paıdalanýshylar óziniń jeke fotolaryn belgili bir adamdar tobyna arnap jarııalaǵysy kelip, abaısyzdan barlyǵyna kórinetindeı etip paraqshasyna ornalastyryp qoıady.
Osyǵan uqsas kontseptsııa Google+ áleýmettik jelisinde bar.
