Facebook jýrnalısterge arnalǵan jańalyqtar agregatoryn iske qospaq
ASTANA. QazAqparat - Álemge áıgili Facebook áleýmettik júıesi FB Newswire jańalyqtar agregatoryn iske qosady. Jańa qyzmet túri jýrnalısterge jelidegi kontentterdi BAQ-tarǵa taratýǵa múmkindik beredi.
Bul týraly Facebook habarlamasynda aıtylǵan, dep jazady ITAR-TASS. FB Newswire arqyly qoǵamdyq máni bar oqıǵalar boıynsha mańyzdy fotosýretter, beınerolıkter men mátinder taratylatyn bolady. Bul servıs Facebook paraqshasy men Twitter akkaýnty arqyly qoljetimdi. Mundaǵy aqparat naqty ýaqytta jańartylyp otyrady. Jobany áleýmettik jeliler kontentin zertteýmen jáne onyń BAQ-tarda jarııalaý úshin naqtylyǵyn tekserýmen aınalysatyn Storyful kompanııasy júzege asyrmaq. Facebook málimetterine sáıkes, kún saıyn 1 mln. astam adam áleýmettik jelini paıdalanyp, jańalyqtar aǵymyn jasaýǵa qatysady. Sondaı-aq kompanııa qyzmetkerleriniń aıtýynsha, 2013 jyly Facebook-tan medıa-saıttarǵa silteme jasap beriletin jańalyqtar sany 4 esege artqan.
