Facebook jelisi «musylman kúntizbesi» optsııasyn iske qosady
ASTANA. 17 shilde. QazAqparat - Facebook áleýmettik jelisi óz tutynýshylaryna grıgorıandyq kúntizbemen qatar mucylmandyq kúntizbeni de usynbaq. Bul jaıynda Arabian Business habar taratty.
muslim.kz saıtynyń jazýyna qaraǵanda, bastapqy kezde bul optsııa Saýd Arabııasynda iske qosylady. Sodan soń, ózge de musylman elderi tól kúntizbesin paıdalaný múmkindigine ıe bolady. Osyǵan baılanysty atalmysh áleýmettik jeliniń Taıaý Shyǵys pen Soltústik Afrıka aımaǵynyń dırektory Djonatan Lebın jańa optsııa saýdııalyqtarǵa tanystarymen habarlasýǵa keńinen múmkindik beretinin málim etti.
Toqtala ketetin jaıt, Facebook-ty shamamen álem halqynyń 1,1 mıllıard turǵyny paıdalanatyn kórinedi. Qazirgi ýaqytta osynaý áleýmettik jeli Dýbaıdaǵy keńsesi arqyly Taıaý Shyǵystaǵy óziniń áleýetin arttyryp keledi.
