Facebook jáne Google qyzmetkerleri jyl sońyna deıin qashyqtan jumys isteıdi
NUR-SULTAN. QazAqparat – Facebook jáne Google óz qyzmetkerlerine jyl sońyna deıin úıden jumys isteýge múmkindik beretinin málimdedi, dep habarlaıdy QazAqparat VVS agenttigine silteme jasap.
Facebook 6 shildede karantın jáne shekteý sharalaryn jeńildetý kezinde kompanııa keńseleri ashylatynyn málimdedi.
«Google» kompanııasynyń atqarýshy dırektory Sýndar Pıchaı (Sundar Pichai) keńsege oralýǵa tıisti qyzmetkerler shilde aıynyń basynda ǵımaratqa kelip jumys isteı alatynyn aıtty. Bul rette keńselerde aýrýdyń taralýyn boldyrmaý úshin kúsheıtilgen qaýipsizdik sharalary engiziletin bolady.
Sondaı-aq, ol óz jumysyn úıden isteı alatyn qyzmetkerlerdiń kópshiligi jyl sońyna deıin qashyqtan jalǵastyra beretinin atap ótti.
Facebook kompanııasy da óz jumysyn qashyqtan jasaı alatyn kez kelgen adam jyl sońyna deıin osy rejımde jumys isteı alady dep habarlady.
Facebook qaı qyzmetkerlerden keńsege jumysqa shyǵýdy suraıtynyn áli sheshken joq.
Aıta ketsek, Facebook kompanııasy –óz qyzmetkerlerinen qashyqtan jumys isteýge ruqsat bergen IT-kompanııalary arasyndaǵy alǵashqylardyń biri. Kompanııa qyzmetkerlerine 1000 AQSh dollarynan (807 Fýnt sterlıng) olardyń úıdegi jumysy jáne bala kútimi úshin bonýstar tóleıdi.
