Facebook jańa qosymshasyn iske qosty
ASTANA. QazAqparat - Facebook paıdalanýshylarǵa fotosýretterdi áleýmettik jelide jarııalamaı-aq olarmen ózara ǵana almasýǵa múmkindik beretin Moments baǵdarlamasyn usynady, dep habarlaıdy sheteldik BAQ.
Kompanııanyń resmı blogynda málimdelgendeı, qosymshada fotosýretter albomdar, geomálimetter jáne basqa da parametrleri boıynsha bólinedi. Olar sýretterdegi adamdar men oqıǵalar boıynsha avtomatty túrde toptastyrylady. Bul sýretterdi paıdalanýshynyń ózi belgilep kórsetken dostary ǵana kóre alady.
Jańa fotosýretter qajetti albommen avtomatty túrde sáıkestendiriledi.
Moments qosymshasyn iOS jáne Android júıesi bar gadjet ıeleri paıdalana alady. Sondaı-aq fotosýretterdi túrli áleýmettik jelilerde taratyp, Messenger arqyly jiberýge múmkindik bar.
Ázirge bul qosymsha tek AQSh-ta ǵana qoljetimdi, ony App Store nemese Google Play arqyly júktep alýǵa bolady.
