Facebook jalǵan aqparattarmen kúresýdiń jańa ádisin tapty

ASTANA. QazAqparat - Búginde kóptegen adamdar sensatsııa, jalǵan aqparat, polıarızatsııanyń sońynan ketti. Bul týraly Facebook áleýmettik jelisiniń negizin qalaýshy Mark Tsýkerberg óziniń paraqshasynda jazdy, dep habarlaıdy QazAqparat.

Jelilerde jalǵan aqparattardyń kóptep taralý qaýipterine baılanysty Facebook kompanııasy paıdalanýshylar arasynda saýalnama júrgizbek.

Mark Tsýkerbergtiń aıtýyna qaraǵanda, aldaǵy ýaqytta paıdalanýshylardan  aqparat kózderiniń naqtylyǵy men ol týraly biletindigi boıynsha suraý júrgiziledi.

Sondaı-aq ol qazirgi kezde Facebook paıdalanýshylarynyń taspasynda jańalyqtar úlesi 5% quraıtyndyǵyn, bolashaqta onyń úlesi 4% deıin tómendeıtindigin aıtty.