Facebook jalǵan aqparattarǵa qarsy kúresti kúsheıtti

ASTANA. QazAqparat - Facebook jelisi negizsiz jańalyqtarǵa qarsy birqatar sharalar qoldanýda. Kúndelikti mıllıondaǵan jalǵan  akkaýnttardy óshirip foto jáne vıdeo materıaldardyń shynaıylyǵyn tekserip keledi. Facebook mamandary jýrnalısterge kompanııanyń qaýipsizdik salasy boıynsha atqarylyp jatqan jumystary týraly aıtyp berdi, dep habarlaıdy TASS.

Facebook-tegi qaýipsizdik kúshterin úılestiretin Gaı Rozenniń aıtýynsha, negizgi kúsh-jiger «syrtqy ınterferentsııaǵa» qarsy turýdy, áleýmettik jeliden jalǵan shottardy alyp tastaýdy, áleýmettik jelilerde jarnama ornalastyrýdy ashyq jáne protsedýralyq jańalyqtar taratýdy azaıtýǵa baǵyttalǵan.

Facebook sarapshylary kontrafaktilik shottarmen kúresý boıynsha baı tájirıbe jınaqtap úlgergen. Óz kezeginde jańa baǵdarlamalyq ónimdermen aınalysatyn Samıd Chakrabartı eshteńeden qoryqpaý kerektigin aıtty. «Qazir biz osyndaı deńgeıdemiz, ıaǵnı  paıda bolǵan sátinen bastap kúndelikti mıllıondaǵan jalǵan shottarǵa bóget jasaı alamyz, olar bizge eshqandaı zııan keltire almaıdy», - dedi ol.

Facebook kompanııasynyń aınalasynda brıtandyq Cambridge Analytica fırmasy áleýmettik jelidegi mıllıondaǵan qoldanýshynyń jeke málimetterin qoldanýyna baılanysty shý shyqqan bolatyn. Bul týraly The New York Times habarlaǵan. Cambridge Analytica kompanııasy 50 mln qoldanýshynyń saıası kózqarasyn bilý úshin olardyń jeke málimetterine qol suqqan.

Ótken aptada Channel 4 brıtan arnasy atalmysh kompanııanyń álemdegi 200-den astam saılaýǵa aralasyp, jemqorlyq pen arandatýǵa kandıdattardy qaralaıtyn aqparat taratýǵa jol bergenin anyqtady. Endi bul shýǵa qatysty Eýroparlament tekserý júrgizýdi kózdep otyr.