Facebook-tyń aýdıtorııasy 1,94 mlrd. adamǵa jetti
ASTANA. QazAqparat - Facebook áleýmettik jelisin qoldanýshylar sany álem boıynsha 1,94 mlrd. adamǵa jetti. Bul týraly sársenbi kúni jarııalanǵan atalmysh kompanııanyń osy jyldyń birinshi toqsanyndaǵy korporatıvtik esebinde aıtyldy, dep habarlaıdy TASS.
Qujattamada habarlanǵandaı, áleýmettik jelige aıyna bir ret kiretin qoldanýshylar sany osy jyldyń 31 naýryzyndaǵy kórsetkish boıynsha 1,94 mlrd. adamdy quraıdy. 2016 jyldyń birinshi toqsanynda bul kórsetkish 1,65 mlrd adamǵa jetken, salystyrmaly túrde 17%-ǵa artqan. Sondaı-aq, qazirgi tańda shamamen 1,28 mlrd adam Facebook-ke kún saıyn kiredi. ıAǵnı, ótken jyldyń birinshi toqsanymen salystyrǵanda, 18%-ǵa ósken. Ol kezde qoldanýshylar sany 1,09 mlrd-ty quraǵan.
Facebook-tiń aqshalaı túsimi eseptik kezeńde $8,03 mlrd, al taza paıda - 3,06 mlrd dollarǵa jetip tur. 2016 jyly atalmysh áleýmettik jeliniń aqshalaı túsimi $5,38 mlrd, al taza kirisi - 1,73 mlrd. dollardy quraǵan.
