Facebook, Twitter jáne Youtube Donald Tramptyń akkaýntyn bloktap tastady
NUR-SULTAN. QazAqparat - Instagram, Facebook, Twitter jáne Youtube Donald Tramptyń akkaýntyn bloktap tastady, dep habarlaıdy QazAqparat.
Búgin Instagram men Facebook Tramptyń akkaýntyn - 24 saǵatqa, al Twitter 12 - saǵatqa bloktady.
Osy áleýmettik jelilermen birge Youtube te Tramptyń Kapıtolıı mańynda jaqtastaryna joldaǵan vıdeoúndeýin kórsetpeı tastady.
Áleýmettik jelilerdiń ákimshiligi bul vıdeo olardyń talaptaryn buzatynyn málim etti.
Bul - AQSh prezıdenti osy ýaqyt aralyǵynda atalmysh platformalarda eshteńe jarııalaı almaıdy degen sóz.
Eske sala keteıik, keshe AQSh kongresi saılaýshylardyń daýsyn eseptep, 2020 jylǵy prezıdent saılaýynyń qorytyndysyn shyǵarý úshin jınalǵan bolatyn. Osy kúni Donald Tramp jaqtastarynyń jappaı narazylyq aktsııasynan keıin oǵan qatysýshylardyń bir toby kongress ǵımaratyna basyp kirdi.
Donald Tramp osynyń aldynda Vashıngtonnyń ortasynda myńdaǵan adam jınalǵan mıtıngte sóz sóılep, óziniń jeńilgenin moıyndamaıtynyn aıtqan. Sóıtip ózine senetin qaýymdy Kapıtolıı ǵımaratyna baryp, narazylyq bildirýge shaqyrdy.
Bılik Vashıngtonda komendanttyq saǵat engizdi.
