Facebook tutas qalpyna keletin energııa kózderine kóshedi
NЬıÝ-IORK. QazAqparat - Facebook kompanııasy 2020 jylǵa qaraı óz kásiporyndarynda atmosferaǵa zııandy zattardy shyǵarý kólemin 75% qysqartyp, tolyǵymen qalpyna keletin energııa kózderine kóshýdi maqsat etip otyr, dep habarlaıdy «QazAqparat» HAA TASS agenttigine silteme jasap.
«Búgin biz parnıktik gazdar shyǵarý kólemin 75% qysqartyp, 2020 jylǵa qaraı jahandyq operatsııalardyń 100% qalpyna keletin energııa kózderinde oryndalýyn qamtamasyz etý mindetin alyp otyrmyz», - dep málimdedi Facebook ókilderi.
Kompanııa 2013 jyldan beri Kún batareıalary men jel elektr stantsııalarynyń esebinen alynǵan 3 GVT elektr energııasyn satyp alý boıynsha kelisimsharttar jasaǵan. Aıta ketken jón, sonyń 2500 GVt energııasy sońǵy kúntzbelik jyldyń úlesine týra keledi.
2015 jyly Facebook 2018 jylǵa qaraı óz kásiporyndarynyń 50%-yn qalpyna keletin energııa kózderine ótkizýge ýáde bergen bolatyn. Kompanııa bul mindetti 2017 jyly oryndaǵanyn málimdegen.
