Facebook túrli shoýlar men serıaldaryn shyǵaratyn boldy
ASTANA. QazAqparat - Facebook jelisi óziniń jeke vıdeokontentin shyǵarady. Bul týraly jobamen tanys derekkózge silteme jasap Wall Street Journal jazdy, dep habarlady korrespondent.net. saıty.
Kompanııa aptasyna bir ret shoý formatynda 30 mınýttyq rolıkter, baǵdarlamalar nemese serıaldar kórsetýdi josparlaýda.
Taqyryptar jańalyqtar emes, negizinen sport, ǵylym, pop-mádenıet, ómir stıli, vıdeooıyndy qamtıdy. Bir vıdeony shyǵarýǵa Facebook 500 myń dollar bólýdi josparlaýda. Kompanııa basylymǵa bul aqparat jaıly eshteńe aıtpady.
Qyzyqty vıdeokontent jasaý úshin áleýmettik jelige qazir TV deńgeıinde eksklıýzıvti jobamen jumys istep jatqan CollegeHumor saıtynyń birlesip negizin qalaǵan Rık Van Vın, MTV mýzykalyq telearnasynyń burynǵy top-menedjeri Mına Lefıvre, YouTube jáne Google Play mýzykalyq áriptestigi boıynsha burynǵy dırektor Tamar Hrıvnak qosyldy.
Budan buryn Mark Tsýkerberg Facebook bazasynda jahandyq qoǵamdastyq qalyptastyrý úshin áleýmettik ınfraqurylymdy damytýmen aınalysýǵa nıetti ekeni habarlanǵan.
