Facebook-tiń tikeleı efırinde er adam óltirildi
ASTANA. QazAqparat - AQSh-tyń Klıvlend qalasynyń polıtseıleri Facebook áleýmettik jelisiniń tikeleı efırinde adamdy óltirgen Stıv Stıvens esimdi azamatty izdestirýde, dep habarlaıdy QazAqparat TASS agenttigine silteme jasap.
Qalalyq polıtsııa basqarmasynyń málimetinshe, Stıv Stıvens kóshede ketip bara jatqan beıtanys qarııany basynan atyp, qylmys ornynan esh alańsyz boı tasalaǵan jáne onysyn Facebook Live arqyly kórsetken.
Al Associated Press agenttiginiń jazýynsha, jasalǵan qylmystyń vıdeosy Stıvenstiń paraqshasynda úsh saǵatqa jýyq ýaqyt turǵan, keıin ol alynyp tastaldy.
Er adam áleýmettik jeli arqyly ózge de kóptegen qylmystardy jasaǵanyn aıtqan. Biraq bul málimdemeleriniń naqtylyǵy áli anyqtalmady.
Polıtseıler ózderiniń Twitter-akkaýntarynda kúdiktiniń fotosyn jarııalady ári onyń asa qaýipti jáne qarýly ekenin atap ótti.
