Facebook-ti salyq qyzmetkerleri tekserýde
ASTANA. QazAqparat - Eýroodaq pen AQSh salyq organdary Facebook-tiń salyqtan jaltarý faktilerin birneshe ret tergeýge tyrysqan. Alaıda bul kúdikter ázirge dáleldenbedi, dep habarlady Ýtro.rý.
Osylaısha, 2010 jyly Facebook Irlandııadaǵy fılıalyna óz aktıvteriniń bir bóligin, onyń ishinde «paıdalanýshylar bazasyn, onlaın platforma men marketıngke arnalǵan jeke menshiktiń materıaldyq emes túrlerine» jeke menshik quqyǵyn tapsyrdy. Bul fakt boıynsha amerıkalyq salyqshylar (AQSh Іshki kiris qyzmeti -ІKQ) Ernst & Young aýdıtorlyq kompanııasyn salyqtan jaltarýdyń zańsyz syzbasyn qurdy dep kúdiktenip otyr. Ernst & Young Facebook aktıvterin baǵalaýǵa ókiletti boldy jáne olardyń qunyn "mıllıardtaǵan dollarǵa" tómendetti, dep habarlady CNN telekompanııasy.
ІKQ kúdikti rastaý nemese seıiltý úshin birneshe ret Facebook basshylyǵynan qarjylyq qujattardy suraǵan. Aǵymdaǵy jyldyń maýsymynda ǵana salyqshylar Facebook-ke osyndaı suratý (saýal) jibergen. Alaıda Mark Tsýkerbergtiń kompanııasy olardyń birin de elemedi. Osyǵan baılanysty amerıkalyq salyqshylar Ádilet mınıstrligine júgindi. Mınıstrlik sotqa shaǵym joldady.
Ádilet mınıstrligi Facebook-ten tergeýmen yntymaqtasýdy jáne salyqshylar suraǵan bar qujatty berýin talap etti.
