Facebook-tegi logınyn óshirýdi umytyp ketken úı tonaýshy qolǵa tústi
ASTANA. QazAqparat - Mınnesota shtatyndaǵy Saýt-Sent-Pol qalasynyń turǵyny Djeıms Výd úıine kelgende, ury tonap ketkenin baıqaıdy.
Kompıýterin paıdalanbaq bolǵan Výd urynyń odan Facebook-qa kirip, logınin óshirýdi umytyp ketkenin kóredi. Sóıtip tonalýshy úıin Nicholas Dub laqap esimdi paıdalanǵan Nıkolas Vıg degen belgisiz bireý "tazartyp" ketkenin biledi. Výd ǵalamtordaǵy óz paraqshasynda Vıganyń sýretin jarııalap, tanystaryna onyń qaýipti ekenin eskertip, kúdikti jaıynda qandaı da bir málimet biletinder bolsa, telefonyna habarlasýlaryn ótinedi. Alaıda oǵan urynyń ózi qońyraý shalǵan. Kóp oılanbaı Výd ony kezdesýge shaqyrady, ol urynyń qylmys sátinde umyt qaldyryp ketken zattaryn qaıtarmaqshy bolady. Alaıda odan sekemdenip, Djeıms polıtsııa qyzmetkerlerin shaqyrady. 2009 jyly osyǵan uqsas jaǵdaı Pensılvanııada boldy. Gaýhar júzikti urlaǵan er adam qylmys ornynan izin sýytqan kezde Facebook-taǵy paraqshasynan shyǵýdy umytyp ketken. Al 2014 jyly naýryzda Djordjıı ýnıversıtetiniń stýdenti Facebook-yn tekserý maqsatynda ǵana bógde bireýdiń úıine urlanyp kirgen.
