Facebook-tegi alkogol týraly jazbalar adamdardyń ishimdik týraly kóp oılaýyna áser etedi
ASTANA. QazAqparat - Psıhologtar Facebook paraqshalarynda túrli tájirıbe jasap, áleýmettik jelide alkogol ónimderi týraly sózder adam sanasyna qalaı áser etetinin anyqtady. Ásirese, sanaǵa áser etetin jarnamalar jasóspirimderdi spırttik ishimdik ishýge «shaqyrady». Bul rette bul kez kelgen jazba alkogoldik ishimdigine qarsy jazylǵan bolsa da, dep jazady «Rıa Novostı» «Mass Communication and Society» jýrnalyna silteme jasaı otyryp.
«Adamdardyń deni ishimdik týraly jarnama, tipti jarnamaǵa qarsy bolsyn áleýmettik jelidegi paraqshada jazylǵan jazbalardy «laık» basyp, taratýǵa, bólisýge, pikir qaldyrýǵa qumar bolady. Bul olardyń alkogoldik ishimdikke qumar bolýyna, sol týraly kóp oılaýyna áser etedi», - dep málimdedi AQSh-tyń Mıchıgan shtatyndaǵy ýnıversıtet ókili Salım Alhabash (Saleem Alhabash).
Zertteýshilerdiń aıtýynsha, búginde Facebook jáne basqa da áleýmettik jelilerde alkogolge baılanysty kóptegen habarlar jıi kezdesedi.
