Facebook-te jazbalardy ózdiginen óshiretin qyzmet paıda boldy
ASTANA. QazAqparat - Facebook Messenger-inde bir táýlik ótkennen keıin jazbalardy ózdiginen óshiretin qyzmet paıda boldy. Bul týraly BELTA kompanııanyń resmı blogyna silteme jasap habarlaıdy.
Jańa qyzmet Messenger Day dep atalady. Qoldanýshy sýretti nemese vıdeotaspany túsirip, túrli stıkerler, emodzıler men effektilerdi qoldana otyryp, jarııalaı alady. Foto nemese vıdeo jarııalaǵannan keıin, jeli qoldanýshylary bul jazbany 24 saǵattyń ishinde kórýlerine múmkindikteri bar.
Bul fýnktsııany barlyq iOS jáne Android qoldanýshylary ornata alady. Ol úshin Facebook Messenger-iniń sońǵy nusqasyn júkteseńiz bolǵany.
Eske sala keteıik, Facebook bul ıdeıany Snapchat-tan alǵan alǵashqy áleýmettik jeli emes. Buǵan deıin osyndaı ózdiginen joıylatyn qyzmet «VKontakte» men Instagram-da paıda bolǵan edi.
