Facebook-te málimetterdi keıinnen qaraý úshin saqtap qoıý qyzmeti iske qosylady
ASTANA. QazAqparat - Álemdegi iri áleýmettik jeliniń ıesi Facebook kompanııasy jańa «saqtaý» qyzmetin engizdi. Bul týraly Facebook-tyń resmı blogynda kompanııanyń ázirleýshileriniń biri Denıel Djambalvo aıtty, dep habarlaıdy RBK.
Ataýynan kórinip turǵandaı, jańa fýnktsııa paıdalanýshylarǵa túrli materıaldardy odan ári qaıta qaraý úshin saqtap qoıýǵa múmkindik beredi. Bul paıdalanýshy keıinnen oqı alatyn mátinge silteme nemese Facebook-taǵy adamdar, kompanııalar týraly málimetter jáne toptardyń paraqshalary bolýy múmkin.
Jańa fýnktsııa birneshe kúnnen keıin Facebook saıtynda, sondaı-aq Google Android jáne iOS mobıldik qosymshalary arqyly qoljetimdi bolady.
