Facebook-te «izdeý júıesi» synaqtan ótip jatyr
ASTANA. QazAqparat - Facebook áleýmettik jelisi qosymshaǵa qosylǵan izdeý júıesin testileýden ótkizip jatyr. Onyń kómegimen statýstyń jańartylýyna siltemelerdi Google sekildi izdeý qyzmetterin aldyn ala qoldanýsyz qosýǵa bolady, dep habarlady sheteldik BAQ.
Facebook resmı qosymshasynyń keıbir paıdalanýshylarynda «siltemeni qosý» pernesi paıda boldy. Ony basqan adam maqalalar men jazbalardy basty sózder arqyly izdeý júıesimen óte alady. Áleýmettik jeli ókilderiniń aıtýynsha, jańa qyzmet túrin testileý úshin trıllıonnan astam jazbalar ındekstelindi.
Qazirgi ýaqytta paıdalanýshy braýzer terezesindegi siltemeni kóshirip alyp nemese ony izdeý júıesinde tapqan soń ǵana onymen Facebook-te bólise alady.
Jańa qyzmetti Facebook-tiń barlyq paıdalanýshylary qashan qoldanýy múmkin ekeni áli naqtylanbady .
Buǵan deıin AQSh BAQ-tary áleýmettik jelilerde ǵalamtor basylymdarymen kelissózder júrgizip, olarǵa áleýmettik jelidegi resmı paraqshalarynda maqalalardyń tolyq mátinderin ornalastyrýdy usynǵan.
