Facebook-te dinı arazdyqty nasıhattaǵan azamat jaýapqa tartyldy

ATYRAÝ. QazAqparat –Atyraýda Facebook-tegi jeke paraqshasynda dinı arazdyqty qozdyratyn aqparattar jarııalaǵan azamat jaýapkershilikke tartyldy, dep habarlaıdy QazAqparat.

Atyraý qalasynyń mamandandyrylǵan ákimshilik sotynda QR Ákimshilik quqyq buzýshylyq týraly kodekstiń 453-baby 2-bóligi boıynsha is qaraldy.

«Іs materıaldaryna sáıkes, 2019 jylǵy 12 jeltoqsanda Atyraý oblystyń Din isteri basqarmasynyń mamandary áleýmettik jelide monıtorıng júrgizgen. Monıtorıngtiń nátıjesinde quqyq buzýshy A. Facebook-tegi jeke paraqshasynda dinı arazdyqty qozdyrýdy nasıhattaýǵa baǵyttalǵan materıaldardy salǵany jáne taratqany anyqtaldy. Dintaný saraptamasynyń qorytyndysyna sáıkes, quqyq buzýshy A. Facebook-paraqshasynda júktegen materıaldar ekstremızmdi nasıhattaıtyny dáleldendi», - dep habarlady oblystyq sottyń baspasóz qyzmetinen.

Sot quqyq buzýshyny kináli dep tanyp, 53 020 teńge aıyppul salý túrinde jaza qoldandy.