Facebook taspasynda týystar men dostardyń jańalyǵy jıi kórinetin bolady

ASTANA. QazAqparat - Facebook áleýmettik jelisindegi taspada qoldanýshylardyń dostary men týystarynyń jańalyqtary jıi shyǵyp, kompanııalar men BAQ-tyń habarlamalary sırek kórinetin bolady. Bul týraly áleýmettik jeliniń jasaýshysy Mark Tsýkerberg málim etti, dep habarlaıdy TASS.
None
None

«Alǵashqy ózgerister jańalyqtar taspasyna qatysty bolmaq. Sizder (qoldanýshylar) ol jerden dostaryńyz, otbasyńyz jáne toptar týraly aqparatty jıi kóretin bolasyzdar. Sebebi, biz osy jospardy birinshi orynǵa qoımaqpyz. Al, kompanııalardyń, brendter men BAQ-tyń jarııalaǵan materıaldary taspadan sırek kórinedi», - dep jazdy Tsýkerberg óziniń áleýmettik jelidegi paraqshasynda.

Onyń aıtýynsha, bul jańashyldyqty engizýge birneshe aı qajet bolady.

Facebook-ti 2004 jyldyń 4 aqpanynda Tsýkerberg pen onyń úsh kýrstasy Garvard ýnıversıtetinde oqyp júrip ashqan bolatyn. Onyń aýdıtorııasy álem boıynsha 2 mlrd qoldanýshydan astam. Budan buryn Tsýkerberg 2030 jylǵa deıin áleýmettik jeliniń qoldanýshylaryn 5 mlrd-qa jetkizetinin málimdegen edi. 

Сейчас читают