Facebook pen WhatsApp-ta dári-dármekten jappaı ýlaný týraly taraǵan aqparat jalǵan bolyp shyqty

ASTANA. QazAqparat - Facebook pen WhatsApp-ta dári-dármek qabyldaǵan adamdar allergııalyq reaktsııadan qaıtys bolǵany jónindegi aqparattar jalǵan bolyp shyqty. Bul týraly Densaýlyq saqtaý jáne áleýmettik damý mınıstrliginiń baspasóz qyzmeti xabarlady.

"Densaýlyq saqtaý jáne áleýmettik damý mınıstrligi dári-dármekterdiń saldarlaryn tekserý boıynsha jumysty árdaıym qadaǵalap otyrady. 2015 jyldyń 25 qyrkúıegindegi jaǵdaı boıynsha, dári preparattarynan (amoksıtsıllın, kapesýla, ıbýprofen (sýspenzııa), alklofenak, angısept, sýmamed, ıngalıpt, ınflıýtsıd, balalarǵa arnalǵan panadol men sanasol) allergııalyq reaktsııa týǵyzyp, bala ólimine alyp kelgen birde bir oqıǵa tirkelmedi", - delingen xabarlamada.

Eske sala keteıik, eń alǵashqy osyndaı jalǵan aqparattar aqpan aıynda WhatsApp arqyly taraǵan edi. Osyǵan baılanysty mınıstrlik Іshki ister mınıstrligine, QR Bas prokýratýrasyna jáne QR Ulttyq Qaýipsizdik komıtetine jalǵan aqparattardyń taralýyna shekteý qoıý boıynsha tıisti xattar joldandy.