Facebook pen Twitter fýtboldan álem chempıonatyna arnap bólek jańalyqtar taspasyn ashpaq
ASTANA. QazAqparat - Facebook pen Twitter áleýmettik jelileri búgin bastalatyn fýtboldan álem chempıonatyna arnalǵan taqyryptyq jobalardy iske qosty. Jańalyqtardy qarap otyrýǵa múmkindik beretin qarapaıym heshtegterden bólek platformalarda taqyryptyq bólimder men jankúıerler kartasy iske qosyldy. Quartz jáne The Verge portaldary sarapshylarynyń pikirinshe, arnaıy jobalar «dástúrli» áleýmettik jelilerge jańa paıdalanýshylardy tartý úshin oılastyrylǵan.
Paıdalanýshyǵa fýtbol jańalyqtarynyń úzdiksiz aǵymyn qamtamasyz etý úshin Twitter World Cup Timeline servısin jasap shyǵarǵan. Іzdeý kezinde "#WorldCup" heshtegin tergen kezde habarlamalar tiziminiń ornyna jańalyqtar blogy retinde jasalǵan jeke paraqsha shyǵady. Bul paraqsha úshin derek kózi retinde osyndaı heshtegpen tek tvıtter ǵana emes, sonymen birge, shaǵyn blogtar servısiniń pikirinshe, oıynshylar, referı, jýrnalıster men stadıondaǵy kórermenderdiń qyzyqty habarlamalary bolmaq. Jańalyqtar taspasy paıdalanýshynyń yǵyna da qaraıdy. Eger paıdalanýshy ózi jankúıerlik etetin komandasy men ony qyzyqtyratyn matchtardy belgilese, soǵan qatysty jańalyqtardy usynyp otyrady.
Al Facebook bolsa, «Jankúıerler kartasy» servısin iske qosty. Paıdalanýshylardyń eń tanymal degen fýtbolshylarynyń qaısysynyń paraqshasyna jazylǵanyn negizge alǵan jobalaýshylar olardy ınteraktıvti kartaǵa ornalastyrǵan. Sonyń arqasynda qaı sportshy qaı elde kóbirek tanymal ekenin anyqtaýǵa bolady. Máselen, Krıshtıaný Ronaldý Úndistan men Soltústik Amerıkada tanymal bolsa, Lıonel Messı týǵan Argentınasynda, Bangladeshta, Iran men AQSh-ta tanymal. Skandınavııada bárinen de Ýeın Rýnıdi jaqsy qabyldaıdy, shvedter Mesýt Ozılıa úshin, al fınder Davıd Vılıý úshin jankúıer. Reseıde mundaı súıkti fýtbolısterdiń úshtigine Ronaldý, Messı men Iker Kasılıas engen.
