Facebook pen Instagram áleýmettik jelide ótkizgen ýaqytty baqylaýǵa kómektesedi

MÁSKEÝ. QazAqparat - Qoldanýshylardyń belgili bir ýaqyt aralyǵynda qosymshadaǵy push-habarlamasyn óshirýge múmkindigi týady, dep habarlaıdy QazAqparat TASS-qa silteme jasap.

Instagram men Facebook áleýmettik jelileri qoldanýshylar ýaqytyn tıimdi paıdalanýdyń jańa ádisteriniń paıda bolǵany týraly habarlady, delingen Instagram-nyń baspasóz habarlamasynda.

«Búgin biz Instagram men Facebook qoldanýshylarynyń óz ýaqyttaryn tıimdi paıdalanýyna múmkindik beretin jańa mehanızmniń iske qosylǵanyn jarııalaımyz. Bul belsendilikti basqarý paneli, kún saıynǵy «eske salý», sondaı-aq habarlamalar legin shekteýdiń jańa tásili», - delingen mátinde.

Atalyp ótilgendeı, bul tetikter sarapshy-psıhologtardyń qatysýymen, sondaı-aq Instagram men Facebook zertteýdiń negizinde jáne olardy qoldanýshylardyń pikirleri eskerilip, jasalǵan.

Jańashyldyqty kez kelgen qosymshadaǵy baptaýlar panelinen qosýǵa bolady.