Facebook pen Google ǵylymı zertteýlerge 3 mln. AQSh dollary kóleminde syıaqy taǵaıyndady
ASTANA. 21 aqpan. QazAqparat - Facebook-tiń negizin salýshy Mark Tsýkerberg pen Google-diń negizin qalaýshylardyń biri Sergeı Brın jáne reseılik ınvestor ıÝrıı Melner ǵylym salasynda jyl saıyn beriletin syıaqy taǵaıyndady.
Syıaqy qaterli isik, genetıkalyq aýrýlardy emdeý jáne ómir súrý uzaqtyǵyn zertteý jumystaryna berilip otyrmaq. Syıaqy bul joly 11 ǵalymǵa beriledi, dep habarlaıdy «Azattyq».
Breakthrough Prize in Life dep atalatyn syıaqynyń kólemi 3 mıllıon AQSh dollaryn quraıdy. Eske sala ketsek, Nobel syılyǵyna beriletin qarjynyń kólemi - 1,27 mıllon AQSh dollaryna teń.
Syıaqyǵa ıe bolǵandardyń aty-jóni taıaýda San-Frantsıskoda jarııalanýy tıis. Qor syıaqyny jylyna kem degende bes ret tapsyrýdy kózdep otyr.
