Facebook paıdalanýshylary aqshany jeke habarlamalar kómegimen jibere alady
ASTANA. QazAqparat - Jaqyn arada Facebook áleýmettik jelisi habar almasý qosymshasyna habarlama arqyly aqsha aýdarý fýnktsııasyn qospaqshy, dep habarlady buro247.kz portaly.
Dıalogqa qatysýshylar óz dostary nemese týystaryna jeke habarlama kómegimen sýret qosyp joldaǵan sııaqty aqsha aýdara alady. Qarjyny jiberý kezinde arnaıy pın-kod engizý kerek. Bir Facebook akkaýntyna birden birneshe bank kartalaryn bekitýge bolady.
Osyndaı múmkindik týraly beıresmı túrde Stenford ýnıversıtetiniń stýdenti Endrıý Odýdyń arqasynda belgili boldy. Ol Messenger qosymshasynyń kodyn buzǵan. Ol baǵdarlamanyń qalaı áreket etetini kórinip turatyn skrınshottar men vıdeony jarııalaǵan. Onyń sózine qaraǵanda, aqsha aýdarymy fýnktsııasy Amerıkada birneshe aıdan keıin qol jetimdi bolady.
