Facebook paıdalanýshylarǵa jalǵan atpen tirkelýge ruqsat berdi
ASTANA. QazAqparat - Facebook kompanııasy paıdalanýshylar ómirindegi túrli jaǵdaılarǵa túsinistikpen qaraý qaǵıdasyna bet burdy. Sol sebepti endi jelide jalǵan atpen tirkelýge bolady, dep habarlady 24.kz.
Biraq, mundaı jeńildik tek turmystyq zorlyq-zombylyqtan zardap shekkender men qoǵam tarapynan túsinispeýshilikke tap kelgenderge ǵana jasalady. Al osy jańalyqty estigen ǵalamtordaǵy qaýym adamdardyń shyn attaryn jazǵanyn qalaıdy. Sebebi jalǵan atpen kirip, pikir jazǵandarǵa qaraǵanda, óz atymen otyrǵan paıdalanýshylardyń sóziniń salmaǵy jáne bedeli bolady eken.
Esterińizge sala ketsek, álemdegi eń iri áleýmettik jelilerdiń biri Facebook 2004 jyly quryldy, dep jazady informing.ru. Foto: blogspot.com
