Facebook Pákistandaǵy jarylystan keıin qatelesip búkil álem boıynsha qaýipsizdik júıesin iske qosqan
ASTANA. QazAqparat - Facebook áleýmettik jelisi Pákistan eliniń shyǵysyndaǵy Lahor qalasynda bolǵan lańkestik áreketten keıin qatelesip búkil álem boıynsha qaýipsizdik júıesin iske qosqan, dep habarlaıdy Independent gazeti.
Atalǵan áleýmettik jeliniń qaıǵyly oqıǵa oryn alǵan jerden shalǵaıdaǵy paıdalanýshylaryna jarylystan zardap shekken-shekpegeni týraly suraq kele bastaǵan. Facebook-tyń «Qaýipsizdikti tekserý» (Safety Check) fýnktsııasy kóbine AQSh jáne Ulybrıtanııadaǵy paıdalanýshylaryna habarlamalar taratty. Áleýmettik jeliniń paıdalanýshylary atap ótýinshe, olardyń kóbi Pákistanda eshqashan bolmaǵan jáne ózderiniń paraqshalarynda bul el týraly qandaı da bir aqparat ornalastyrǵan emes.
