Facebook ókili jeli qoldanýshylaryn qaýipsizdik taktıkasyn barynsha saqtaýǵa úndedi

SAN-FRANTsISKO. QazAqparat – 2019 jyly hakerler baılanys nómirleri boıynsha jarty mıllıard qoldanýshynyń jeke deregin urlaǵan. Ótken demalys kúnderi 533 mln Facebook qoldanýshylarynyń jeke derekteri hakerlik forýmda jarııalanǵan. Bul jaǵdaıǵa kompanııa ókilderi túsinik berip, qaýipsizdik baptaýlaryna abaı bolýǵa shaqyrdy, dep habarlaıdy QazAqparat The Business Times-qa silteme jasap.

«Qaskúnemder bul derekterdi bizdiń júıeni buzý arqyly emes, veb-skreıpıng dep atalatyn platformadan derekterdi urlaý joly arqyly alǵan», - dep málimdedi Facebook-tyń ónimderdi basqarý boıynsha dırektory Maık Klark.

Derekter abonentterdiń telefon nómirlerin, týǵan kúnderin jáne elektrondy poshta mekenjaılaryn qamtydy, al keıbir málimetter, amerıkalyq BAQ-tyń habarlaýynsha, mańyzdy bolyp shyqty.

Facebook-tiń aıtýynsha, urlanǵan derekterde kilt sózder nemese paıdalanýshylardyń qarjylyq derekteri bolmady.

Veb-saıt betterinen derekterdi shyǵarý (veb - skrapıng) - bul Internette bólisýge qoljetimdi aqparatty jınaý úshin avtomattandyrylǵan baǵdarlamalyq jasaqtamany qoldanýdy qamtıtyn taktıka.

Maıkl Klark áleýmettik jeli qoldanýshylaryn basqalarǵa qandaı aqparat kórinetinin baqylaý jáne eki faktorly aýtentıfıkatsııa arqyly eseptik jazbanyń qaýipsizdigin arttyrý maqsatynda qupııalylyq parametrlerin tekserýge shaqyrdy.

Bul álemdegi eń úlken áleýmettik jeliniń eki mıllıardqa jýyq paıdalanýshysy bar derekterdiń jarııa bolýy nemese paıdalaný Facebook týraly pikirtalas týdyrǵan alǵashqy jaǵdaı emes.

Aıta ketsek, 2016 jyly brıtandyq konsaltıngtik fırma Cambridge Analytica tóńiregindegi janjal mıllıondaǵan Facebook qoldanýshylarynyń jeke derekterin maqsatty saıası jarnamalardy taratý úshin paıdalanǵan edi. Bul áleýmettik jelige jaǵymsyz áser etti.

Eske salsaq, 3 mln astam qazaqstandyq Facebook qoldanýshynyń derekteri jelige tarap ketken edi.