Facebook medıtsınalyq maskany jarnamalaýǵa tyıym saldy
NUR-SULTAN. QazAqparat – Koronavırýstyń taralýyna baılanysty alypsatarlyqqa jol bermes úshin Facebook medıtsınalyq maskalardy jarnamalaýǵa tyıym saldy, dep habarlaıdy QazAqparat.
Bul týraly Facebook ónimder menedjmenti bóliminiń basshysy Rob Letern Twitter -degi paraqshasynda málim etti.
«Biz betke arnalǵan medıtsınalyq maskalardy satý týraly jarnamalar men kommertsııalyq habarlamalarǵa tyıym salamyz. Covid-19 vırýsynyń taralýyn muqııat qadaǵalaımyz jáne osy tótenshe jaǵdaıdy paıdalanyp ketýge tyrysatyn adamdardy kórsek, saıasatymyzdy ózgertip otyramyz. Biz kelesi kún ishinde osy sheshimdi oryndaýdy bastaımyz», - delingen habarlamada.
Eske sala ketsek, betperde tapshylyǵy máselesi boıynsha Densaýlyq saqtaý mınıstri Eljan Birtanov túsinikteme bergen edi. Onyń aıtýynsha, medıtsınalyq maska boıynsha otandyq óndirýshiler táýlik boıy jumys júrgizip jatyr. Alaıda ınfektsııa qaýpine baılanysty oǵan suranys ta artqan.
QR DSM «Dərilik zattar men medıtsınalyq buıymdardy saraptaý ulttyq ortalyǵynyń» bas dırektory Arnur Nurtaevtyń málimdeýinshe, elimizde bir adamǵa 10 danadan artyq medıtsınalyq maska satylmaýy múmkin.
