Facebook qupııalylyqty tekserýge 3 mıllıard dollar bóldi
NUR-SULTAN. QazAqparat - Facebook AQSh bıliginiń kompanııanyń qupııalylyq saıasatyn tekserý jumystaryna ketetin shyǵyndy toltyrý úshin 3 mıllıard dollar bóletinin habarlady. VVS basylymynyń jazýynsha, soǵan qaramastan AQSh Federaldy saýda komıssııasy ótkizetin tekseristiń shyǵynyna bul qarjy jetpeı qalýy múmkin.
«Facebook bıylǵy jyldyń alǵashqy úsh aıynda jalpy saýda kólemi 26%-ǵa ósip, 15,08 mlrd dollardy quraǵanyn málimdedi. Sonymen qatar Facebook-tiń aı saıynǵy paıdalanýshylar sany da 8%-ǵa artqany habarlandy», dep jazady basylym.
Keltirilgen málimetke qaraǵanda, búginde Facebook áleýmettik jelisin qoldanýshylar sany 2,38 mıllıardqa jetken.
«Mark Tsýkerberg bıylǵy aktsııalar 40%- ǵa kóbeıgenin habarlady. Degenmen, kompanııada Cambridge Analytica málimetteri boıynsha tekserý jumystary ótkizilgen edi», dep jazady basylym.
