Facebook krıptovalıýta jarnamasyna tyıym salady

ASTANA. QazAqparat - Facebook jelide krıptovalıýta jáne bınarlyq optsııalardyń jarnamasyn jarııalaýǵa tyıym salady, dep habarlaıdy TASS áleýmettik jeliniń baspasóz qyzmetine silteme jasap.

«Biz paıdalanýshylardy jańylystyratyn qarjylyq ónimder men servısterdiń, bınarlyq optsıondar men krıptovalıýta sekildi aldamshy tehnologııalardyń jarnamasyna tyıym salatyn jańa qyzmet saıasatyn engizip jatyrmyz», - delingen habarlamada.

Servıs, sondaı-aq paıdalanýshylardy jańa erejelerdi buzatyn jarııalanymdar týraly habar berip otyrýǵa shaqyrady.

Buǵan deıin Facebook paıdalanýshylarǵa týystary men dostarynan kóbirek jańalyq alyp otyrýǵa, kompanııalardyń, brendterdiń jáne BAQ-tardyń postary sııaqty jarnamalyq kontentti azaıtýǵa qatysty ózgerister engizgenin jarııalaǵan bolatyn.