Facebook krıptovalıýta jarnamasyna ruqsat bermek

ASTANA. QazAqparat - Facebook áleýmettik jelisi taspada krıptovalıýtany jarnamalaýǵa ruqsat bermek, biraq ICO (Initial Coin Offering - krıptoaktıvterdi birinshi ret taspaǵa salý) jarnamasyna salynǵan tyıym kúshinde qalady. Bul jaıly jeli basshylarynyń biri Rob Lezernge silteme jasap TASS habarlaıdy.

«Qańtar aıynda biz paıdalanýshylardy jańylystyratyn qarjylyq ónimder men servısterdiń, bınarlyq optsıondar men krıptovalıýta sekildi aldamshy tehnologııalardyń jarnamasyna tyıym salatyn jańa qyzmet saıasatyn engizgen bolatynbyz. Biraq sońǵy aılardaǵy izdenister nátıjesinde áleýmettik jeli bul saıasatty ózgertip, qaýipsizdigine kóz jetkizý maqsatynda keıbir jarnamalarǵa ruqsat bergeni durys», - deıdi Rob Lezern.

Onyń aıtýynsha, 26 maýsymnan bastap erejeler jańartylady.

Eske sala keteıik, qańtar aıynda Facebook jelide krıptovalıýta jáne bınarlyq optsııalardyń jarnamasyn jarııalaýǵa tyıym salǵan bolatyn.