Facebook koronavırýs vaktsınasy týraly jalǵan aqparatty óshirip otyrady

KALIFORNIıA. QazAqparat - Facebook kompanııasy koronavırýsqa qarsy vaktsına týraly jalǵan aqparatty taratýǵa baılanysty jańa erejeni engizý jóninde sheshim qabyldady. Endi vaktsına týraly teris faktilerden turatyn kez kelgen aqparat Facebook jáne Instagram áleýmettik jelilerinen óshiriledi, dep habarlaıdy QazAqparat Business Insider basylymyna silteme jasap.

Dúısenbi kúni kompanııa «vaktsına» sózimen qatar qoldanylyp, teris aqparat retinde esepteletin sózder tizimin jańartty.

Tizim «ýlandyrǵysh», «zııan», sondaı-aq «aýtızmniń damýyna septigin tıgizedi» degen sııaqty sózdermen tolyqty.

Kompanııa vırýs týraly jalǵan aqparatpen aqpan aıynyń basynan beri kúres júrgize bastaǵan.

COVID-19 qarsy vaktsınanyń «adam óltire alatyn» nemese «densaýlyqqa kúrdeli zııan keltire alatyn», «aýtızmniń nemese bedeýliktiń damýyna septigin tıgize alatyny», «RNK-ny adamdy maımylǵa deıin ózgerte alatyndaı ózgertetini» sııaqty mátinderden turatyn posttardyń Facebook jelisiniń barlyq platformalarynan joıylatyny týraly habarlanyp otyr.

Sondaı-aq «ekpe saldyrǵannan góri, vırýspen aýyryp shyqqan áldeqaıda qaýipsiz» jáne «ekpe adamdardardyń keı toptary úshin qaýipti ekeni» jaıly teris aqparat joıylady.

Sondaı-aq saıttan vaktsına ázirleý jáne olardyń tıimdiligi týraly feık málimetter alynyp tastalady.

Kompanııa jalǵan aqparat retinde esepteletin sózder tizimin jasamas buryn, DDSU jáne densaýlyq saqtaý salasyndaǵy taǵy basqa aldyńǵy qatarly uıymdarmen áńgime júrgizilgeni týraly habarlanǵanyn atap ótti.

2021 jyly Facebook kompanııasy densaýlyq saqtaý salasyndaǵy máselelermen aınalysatyn jetekshi mamandar jáne mıllıardtaǵan adamdardy ımmýndaýda jumyldyrylǵan resmı tulǵalarǵa qoldaý kórsetýge nıetti ekeni jaıynda atap ótildi.

Eske sala keteıik, byltyr qazan aıynda kompanııa QAnon-nyń astyrtyn sóz baılasýy teorııasymen baılanysty paraqshalar men toptardy buǵattaǵan edi.