Facebook kompanııasy paıdalanýshylaryna posttary úshin aqsha tólemek
ASTANA. QazAqparat - Facebook kompanııasy áleýmettik jeli paıdalanýshylaryna jarııalaǵan posttary úshin aqsha tóleýge nıetti. Bul týraly Gazeta.ru The Verge silteme jasap habarlady.
Qazir áleýmettik jeli paıdalanýshylaryn qyzyqtyratyn yntalandyrý túrleri qarastyrylyp jatyr. Osylaısha, erekshe kontentimen unaǵan postqa oqyrmandar syıaqy bere alady nemese jarnamalyq tabystyń belgili bir paıyzyn ala alady.
Kompanııa paıdalanýshylar reposttar men laıktardy asyra paıdalanyp jatyr degen sheshimge keldi. Jańa kontentterdiń de sany qysqardy. Sonymen qatar Instagram sııaqty qyzmet paıda bolǵannan keıin áleýmettik jelide paıdalanýshylardyń óz sýretterin jarııalaýy azaıdy.
Osyǵan deıin Facebook barlyq paıdalanýshylar úshin «Saqtaý» batyrmasyn engizip jatqanyn jarııalaǵan.
