Facebook kompanııasy 2016 jyldyń alǵashqy toqsanynda tabysyn úsh esege arttyrdy
ASTANA. QazAqparat - Facebook kompanııasynyń 2016 jylǵy alǵashqy toqsanyndaǵy tabysy 195 paıyzǵa artqan. Osy kezeńdegi kiris 1,5 mlrd dollarǵa jetken, byltyr sáıkes kezeńde kompanııa 512 mln tabys tapqan, dep jazady «VVS» agenttigi.
Tabys kózi jarnama berýshiler esebinen ulǵaıyp, jarnamadan 5,2 mlrd dollar túsken. Facebook-tiń alǵashqy toqsandaǵy taza túsimi 5,5 mlrd dollar bolǵan, bul byltyrǵy sáıkes kezeńmen salystyrǵanda 52 paıyzǵa artyq.
Álemdegi iri áleýmettik jelisi turaqty paıdalanýshylar qatary da artqanyn jarııalady. Esepti kórsetkish boıynsha, belsendi paıdalanýshylar byltyrǵy jyldyń sáıkes kezeńimen salystyrǵanda 15 paıyzǵa artqan. Bul - 1,65 mlrd adam.
