Facebook qoldanýshylary 360 gradýstyq sýret túsire alady

ASTANA. QazAqparat - «Feısbýk» áleýmettik jelisiniń mobıldi qosymshasynda 360 gradýstyq sýret túsirý fýnktsııasy paıda boldy. Bul týraly TechCrunch habarlady.

Jańa optsııany qoldaný úshin qosymshanyń ishinde kamerany qosyp, mázirde sáıkes bólimdi tańdaý qajet.

Kólemdi sýretterdi túsirý úshin arnaıy modýl  qajet emes, tek smartfonnyń kamerasyn baǵdarlamanyń nusqaýlyǵyna sáıkestendirseńiz boldy. Kompanııada atap ótkendeı, jańa fýnktsııa kompıýterlik kórý men mashınalyq oqý tehnologııasy negizinde  jumys isteıdi.

«Feısbýk» jańartylǵan qosymshany birte-birte engizýge nıetti, alaıda taıaý ýaqytta ony Android pen iOS uıaly qosymshalarynyń barlyq qoldanýshylary alýy tıis.