Facebook ınternetti barlyq jerde qoljetimdi etpek
ASTANA. QazAqparat - Facebook kompanııasy kún sáýlesinen qýat alatyn ushqyshsyz ushaqty synaqtan ótkizdi, dep habarlady www.24.kz.
Bolashaqta mundaı apparattar álemdegi mıllıardtaǵan adamnyń ınternet jelisine qol jetkizýine kómek beredi. Injenerler eki jyl jumys istep oılap tapqan jańa qurylǵy «Akýılla» degen ataý alǵan. Ol jer betinen 20 shaqyrym bıiktikte 3 aı boıy ushyp júre alady. Kompanııa ókilderi dronnyń áli talaı synaqtan ótip, áýede ushý merziminiń uzaqtyǵynan barlyq pılotsyz ushaqtardyń rekordyn jańartatynyna senimdi.
Aıta keteıik, búginde Facebook áleýmettik jelisine tirkelgender sany 1,5 mlrd adamnan asqan. Al, jer betinde áli osynsha adamnyń geografııalyq jáne saıası jaǵdaılarǵa baılanysty múldem ınternet jelisine qosylýǵa múmkindigi joq. Sondyqtan Facebook ǵalamtorǵa qosylmaǵan aýdandardyń barlyǵyna ınternetti jetkizýdiń tyń tásilin tabý úshin mıllardtaǵan dollar jumsaǵan.
