Facebook «ınternet-baraholkany» jappaı engizip keledi

ASTANA. QazAqparat - Facebook Marketplace servısin jappaı iske qosyp keledi. Servıste satýǵa nemese aıyrbastaýǵa usynylyp otyrǵan zat ornalastyrylyp, habarlama avtorymen tikeleı baılanysý múmkindigi bolady. Bul týraly «Izvestııa» gazeti  jazady.

Marketplace satý-satyp alý servısi  AQSh pen ózge birneshe elde 2016 jyldyń sońynda iske qosylǵan bolatyn. 2017 jyldyń tamyzyna qaraı oǵan taǵy 17 eýropalyq memleket qosyldy. Endi Facebook bul servısti Reseıde testileýden ótkizbek. Aıta ketsek, reseılikterdiń birqatar bóligi jańa múmkindikti qoldanýdy bastap ketken.

Servıske qosylǵan jaǵdaıda «mázirde» dúkenniń belgisi paıda bolady. Onda satýǵa shyǵarylǵan taýarlar sanattar boıynsha bólingen.

Búgingi kúni mundaı servıster «Odnoklassnıkı» jáne «VKontakte» áleýmettik jelilerinde de bar.