Facebook feık jańalyqtarǵa qarsy «soǵysta» jeńe ala ma - VVS

NUR-SULTAN. QazAqparat - Facebook feık jańalyqtardy anyqtaý úshin birneshe kompanııamen kelisimshartqa otyrǵan bolatyn. VVS basylymy bul kelisim rasymen jalǵan aqparatqa qarsy kúrese ala ma degen suraqqa jaýap izdep kórgen.

«Eki jyl buryn Faktilerdi tekserýdiń halyqaralyq kúni bekitilgen bolatyn. Facebook kompanııasynda faktilerdi tekserýmen aınalysatyn mamandar bul jumystyń ázirge tıimsiz ekenin aıtýda», - dep jazady basylym.

Avtordyń sózine qaraǵanda, sarapshylar atalmysh áleýmettik jeliniń jalǵan aqparatqa qarsy soǵysqa múldem daıyn emes ekenin aıtyp jatyr.

«Búgingi tańda Facebook-te búkil álem boıynsha 43 kompanııa 24 tilde faktilerdi tekserýmen aınalysady. Facebook ár maqalany tekserýge 800 dollar tóleıdi. Mysaly, Latyn Amerıkasyn alsaq, ol jaqta 491 materıal teskerý kezegin kútip tur eken. Mamandardyń kóbi Facebook 2018 jyldyń sońynan beri faktilerdi tekserýdi qolǵa almaı jatqanyn aıtýda», - delingen aqparatta.